Een tied terug was ik bie vrienden die nogal achterof woene buute Niekark
Noa een iezeg mooie zondag wouwe we “Boer zoekt vrouw” kieke.
Dat ging nie heelemoal zoender slag of stoot.
Soms hielde beeld en tekst effe pauze.
Dan bleeve de heufde van die boere (die et toch al zo zwoar he’n) net effe te lang stilstoan, en meestal niet in de veurdeelegste stand.
Kos me goed veurstelle dat sommege toekomstege boerinne d’r gien zin meer in hadde.
Hè wat verveelend zei m’n gastvrouw. Keu’j je niks an doen, dat komt deur atmosferische storinge zei ik wies, dat he’n we thuus ok wel es, veural bie heel helder weer, en dat was et vandaag.
Wat ik me precies mos veurstelle bie atmosferische storinge wis ik niet, mar noa wat Goegele kwam ik d’r achter dat et nog arger is dan ik docht.
Je kun bie bepoald weer zelf last he’n van vreemde signalen uut Zuid Europa en Noord Afrika.
Niet alleen bie kraakheldere luchtte dus mar ok bie zwaore sneeuwval, reege, oenweer enz.
Ik bin ’s avonds loat al es in me Duster noar buute e’weest um met een beezem sneeuw van de schotelantenne te veege zei de vriendin.
As je et goed bekiekt hen wuullie alleen goede beeldkwaliteit bie motreege.
bijdrage van Ap uut Appel
Klik op de banner en ga naar “Kiezen voor Nijkerk
Het nieuws van nijkerk.nieuws.nl gemakkelijk volgen? Like dan ook onze Facebookpagina, volg ons op Twitter of LinkedIn en Instagram of krijg gratis onze dagelijkse of wekelijkse nieuwsbrief.
Adverteren op nijkerk.nieuws.nl neem dan contact op Leo Christiaens voor de prijzen en mogelijkheden. Zijn telefoonnummer: 06-11087527, zijn mailadres: [email protected]
