Verhoale in et Veluws dialect: De Havenoar

Wanneer et krek was weet ik niet meer, arges achter in de joare neegeteg denk ik, et was in ieder geval nog in de Gulden-tied.

Toe hinge d'r in de Havenoar een tiental schilderie'je van mien, een poar moande lang mar d'r wier niet veul verkocht in die tied.

Noe bin Niekarkers wel goed mar niet gek wat geld uutgeeve betreft, en ik kan ze gien oengeliek geeve.

'Toe ik noa een poar moande de overgebleeve schilderieje ophoalde um ze arges anders op te hange kreeg ik een tillefoontje van een vrouw uut Niekark die vreug of een bepoald schilderie verkocht was bie de Havenoar, en as et nog niet verkocht was wou zie et wel koope.

Mar woarum kocht je et schilderie dan niet meteen toe je et zag?

Nou, zei ze, ik wou dat schilderie grêêg he'n mar vun um net te duur en ik docht as jie um niet verkocht het bie de Havenoar doe jie um vast wel goedkoper weg, en ik docht bie me eige: de Havenoar moet d'r netuurlek ok z'n geld van he'n as je een schilderie verkoopt, dus as ik et rechtstreeks van joe kan koope doe je et wel veur wat minder weg. Hoe minder tussehandel dr in zit hoe goedkooper et schilderie.

As ik me goed herinner he'k et an heur verkocht veur een prijsje woar we allebei tevreeje over waare.

Wekelijks ons nieuws in je mailbox?

Abonneer je dan op onze nieuwsbrief, die iedere zondagmorgen om 06.00 uur in je mailbox zal liggen.

Abonneren

Dagelijks ons nieuws in je mailbox?

Abonneer je dan op onze nieuwsbrief.

Abonneren