Verhoale in et Veluws dialect: Een goed begin

25 jan , 1:41 • Columns

eig

Je zou denke noa de leste moand van feesten, vreten en zuupen tot je zowat barst en je meteen veurnemen op de eerste dag van et nieje joar goa ik over op woater en brood, mar dan bin je d'r in veul gevallen nog niet.

Een niejoarsborrel hier, niejoarsborrel doar

Vuruut dan mar weer...

ROOKWORST

Ze kwam binne op een feestje en runde meten deur naar de w.c.

Pooehh, wat was ze doar antoe.

Vrogger had je w.c's met een platootje woar de boel op viel, dan kos je nog effe goed kieke en tevreeje weeze over wat jie doar net neer e'lijd had, mar doar had ze noe gien tied veur, ze was al loat dus gouw deurtrekken , rok recht en hande effe wasse bie et fontijntje en d'r tusse et feestgedruus mengen.

Effe loater oentsting d'r een oploopje veur de w.c.deur en iemand gaf een schrauw zodat d'r nog meer minse kwaame kieke wat d'r an de hand was. Ze ging zelf ook mar es die kant op. stak heur heufd ok um de hoek van de deur en kreeg in de pot goed zicht op een soort rookworst.die bliekboar zo zwoar was dat ie gewoon was blieve ligge toe zie deur e'speult had, gouw weer tusse et publiek en niet opvalle, Toch keeke d'r verschilldende minsen een beetje roar noar heur,

Gelukkeg Niejoar.