Verhoale in et Veluws dialect: Me reet
Op moandagmarge wier et wark verdeeld
Deze moandagmarge zou ik beginne met een keuke witte en loater in de week de woenkamer behange
Dat gebeurde allemoal in et buutegebied van Niekark woar ze een boederie verbouwd hadde tot dubbel woenhuus, de zoon en z'n gezin woende op wat vrogger "de deel" was, en de ouweluu noa een grondege verbouwing in et veurhuus
Et leek prima te waarke al bemeui'jde de moeder/schoonmoeder wel grêêg met van alles en kwam regelmoateg kieke en commentaar geeve, arme over de buuk vulde ze et heele deurgat.
Toe ik net begonne was een flinke kier dicht te kitte sting opoe in de "tussedeur", denk um te kieke wat veur behanger ze in huus e'hoald h'an
Wat goat dat handeg zei ze teege mien, ik het ok nog wel wat te kitte, wil je dat bie mien ok doen?
As ik hier kloar bin kom ik wel effe kieke beloofde ik mar ik had d'r nooit meer an e'docht.
Opoe hield et allemaal goed in de goate want toe ik hier zowat kloar was sting ze in een soort duster met koeieprint in et gat van de deur en zei:
Behanger: VERGEET JE NIET NOAR M'N REET TE KIEKE?
