Verhoale in et Veluws dialect: Decembermoand
Je bin d'r gek op of je he'n d"r een hekel an.
Ik blief d'r niet veur thuus
Gezelleg die lange avonde denkt de één...
wat noar vrog donker'denkt de ander...
Straks weer die kouwe drukte en uure in de keuke bezeg, en doarnoa met de heele femilie an tavel
Een poar daage veur Karst sting ik met een buurvrouw in de lift die blie vertelde: Dit joar gien karstboom, femieliebezeuk of ander gedoe, wuullie goan marge met vekansie
Groot geliek mins zei ik en wenste heur een mooie tied
Op de dag dat ze zouwe vertrekke kwam ik heur weer teege
Noe was ze zeenuuwachteg toe ik vroeg: hoe loat vertrekke juullie?
We moete zo goan mar mien man zit nog bie de tandarts zei ze.
Dat spreek je toch niet of net veur je met vekansie goat docht ik en vreug niesjiereg: Noodgeval?
Ja, zei ze, we zaate een broodje te eete toe hie ineens markte dat z'n gouwe tand uut z'n gebit was....
Fluitje van een cent zei ik, die lieme ze d'r zo weer in, kloar.
Nou ja, we kunne 'm niet terug viene , denk dat ie em deur e'slikt het.
Dan wordt et een ander verhoal mar de tandarts zal wel road weete liekt me,en anders vertrek je zoender die gouwe tand, in elk vakansiehuusje stoat wel een vergiet...
VERGIET?
Ja, vrogger of loater komt ie d'r wel weer uut, en doar he'n ze ok tandartse die 'm d'r wel in wille zette.
